COSMOS Trenaren monitorizazio- eta kontrol-sistemak Trenen kontrol- eta monitorizazio-konponbideak
Trena kontrolatu eta monitorizatzeko sistema (TCMS) da COSMOS, TCN komunikazio-estandarrean oinarrituta dagoena. Sistema irmoa, modularra eta malgua da. Sistema hau, kontrol efizientea lortzeko eta beste tren-sistemak integratzeko sortu izan da.
COSMOS sistemak potentzia handiko HMIa dauka, gidariak tren-sistema guztiak modu ergonomikoan monitorizatuta izan ditzan. Display honi esker, mantentzaileak mantentze-gorabeherak berreskura ditzake interfaze integratu eta erabilterrez batetik.
CAF Power & Automation-ek tren guztian zehar banantzen du COSMOS sistema, eta ekipamenduak eta sistemari funtzionaltasunak gehitu ahal zaizkio "plug-and-play" gisa.
HARDWAREA
COSMOS sistema ondoko moduluek osatzen dute:
- Libreki programatu daitekeen Ibilgailuaren Kontrol Unitatea (CCU).
- Gizon-Makina Interfazea (HMI).
- Sarrera- eta irteera-moduluak (S/I moduluak), CAN-MVB, 485-MVB, CAN-TRDP eta 485-TRDP ahalmena daukatenak eta erabiltzeko prest daudenak. S/I ahalmenek barne hartzen dituzte sarrera eta irteera digitalak nahiz analogikoak, tenperatura-sentsoreen sarrera (PT100, PT1000) eta PWM.
- MVB-WTB, ETBN, MVB-MVB gateway edo atebideak, eta MVB errepikagailuak eta Ethernet.
- Switchak eta routerrak urrutiko komunikazioetarako.
Modulu horiek guztiek EN 50155 araua betetzen dute, eskuarki trenbide-aplikazioetarako eskatzen direnak.
SOFTWAREA
AUNIA esaten zaio ibilgailuaren bizi-ziklo osoan erabiltzen diren tresna guztien multzoari. Konfigurazio- eta mantentze-lanak egiteko tresnak hartzen ditu barne. Diseinu modularra du, datu-baseetan oinarritutako planteamenduaren araberakoa. AUNIAk erabiltzaileen kredentzialak eta software-eguneratzeak kudeatzean ditu. Hala, erabiltzaile guztiek datu berdinekin lan egiten dute, tresna berdinak erabiliz.
AUNIA konfigurazio eta programazio egituratu eta intuitiboen tresna-multzoa da. Bezero bakoitzari berariazko euskarria ematen dio, testuinguru edo proiektu partikular bakoitzaren barruan.
AUNIAk abantaila hauek ditu:
- Proiektua planifikatzeko eginkizunak errazten ditu.
- TCMS sistemaren eta firmware nahiz aplikazioen parametroak ezartzen ditu.
- SW ezartzea ahalbidetzen du, ibilgailuaren logikari jarraikiz, IEC 61131-3 arauarekin bat etorriz.
- HMIren aplikazio grafikorako tresna egokia ezartzen du.
- Benetako diagnostiko-tresnak ematen ditu denbora errealean monitorizatzeko eta jasotako datuak aztertzeko.
- Erabiltzaileak eta eguneratzeak kudeatzen ditu.
COSMOS sistemaren ezaugarriak eta onurak
- Fidagarritasun bikaina du.
- Konponbide estandarra, interoperagarria eta interfaz anitzekoa da.
- Trena erraz martxan jartzen da eta mantentze-lanak erraz egiten dira.
- Erabiltzaileak erraz ezar dezake softwarea AUNIAren bidez edo sistemak bateratzeko gure teknikarien laguntzarekin.
- Erraz muntatzen da eta trenean kable gutxiago behar da.
- Sistema malgua, modularra eta banatua da, erraz zabaldu daitekeena.
- Trenbide-alorreko araudia betetzen du.
- Konponbide errentagarria da, proiektu edo bezero bakoitzaren beharrizanetara egokitzeko malgutasunari esker.
- Integrazio-ingeniaritzan bezeroen beharrizanetara egokitzeko ahalmena behar du.