Aurten, Amsterdameko Tranbiarako trakzioko eta kontroleko sistemen hornidura esleitu ondoren, eta Europan Utrechteko Tranbia handitu ondoren, CAF Power & Automation-ek bere presentzia areagotu du Amerikako kontinentean; izan ere, hiru proiektu berri lortu ditu Ekuadorren, Mexikon eta Estatu Batuetan.
Quitoko Metroa
CAF Power-ek COSMOS kontroleko sistemak eta 1500V POWER DC trakzio sistemak garatu eta hornituko ditu Quitoko metrorako. Zehazki, metroan 18 unitate egongo dira erabilgarri (bakoitzak 6 kotxe izango ditu) 1. linean, Quitumbetik Labradorrera.
Andeetako errepublikako hiriburua populazio gehien duen bigarren hiriburua da, eta 2,5 milioi biztanle inguru ditu. Metroko 1. linearen inaugurazioa 2019an egitea aurreikusita dago. Kalkulatzen da ia 400.000 pertsonek erabiliko dutela egunero garraioa; beraz, aurrerapen handia izango da hiriaren mugikortasuna garatzeko.
Mexikoko Metroa
Kolonbian, Venezuelan, Brasilen eta Txilen garatutako proiektuez gain, duela gutxi Mexikoko metrorako kontroleko ekipoaren hornidura eta integrazioa esleitu da. Hala, CAF Power & Automation trenbide-sistemaren eredu gisa finkatu da Latinoamerikako merkatuan.
Proiektu horrek COSMOS (TCMS) sistema hartzen du barne 10 unitatetarako. Unitate horiek barruti federaleko Metroko 1. linean emango dute zerbitzua, eta aurtengo irailerako aurreikusita dago entregatzea. Esleipen hori gaur egun Mexikoko metroan garatzen ari diren unitateak eta azpiegiturak berritzeko proiektuaren parte da.
Marylandeko Tranbia
CAF Power-ek Ipar Amerikako merkatuan jarduera zabaldu du kontroleko eta trakzioko soluzioen hornitzaile gisa Purple Line-rako (Marylandeko estatuan). LRV tranbia arinen 26 unitateak COSMOS (TCMS) eta POWER DC 750V sistemez hornituta egongo dira, eta Montgomery eta Prince George konderrien artean ibiliko dira.
Purple Line metro arineko linea da, eta Washingtoneko metroko lineekin (WMATA) lotura zuzena ahalbidetuko du. Era berean, MARC eta AMTRAK aldiriko trenekin eta autobuseko tokiko zerbitzuekin lotura egingo du. Hala, tren-operazio azkarra eta fidagarria ekarriko du Marylandeko estatuan.
Estatu Batuetan eginiko proiektuen artean, gaur egun CAF Power-ek kontroleko eta trakzioko sistemak hornitzen ari da MBTAko tranbietarako (Bostonen), dagoeneko Cincinnati eta Kansas City hirietan burutu diren proiektuez gain.